Былтыр қаңтар–қарашада мемлекеттік бюджет табысы бір жылда 20,4% көбейіп 22,2 трлн теңге болды.
Бұл ретте мемлекеттік бюджет шығыны былтырғы сәйкес кезеңмен салыстырғанда 24,4% артып, 23,1 трлн теңгеге жетті.
Шығын мен табыс арасындағы айырмашылық 899,2 млрд теңге, шығынның табысқа қатынасы 104,1%. Салыстыру үшін: былтыр бұл көрсеткіш 100,7% болған.
2023 жылғы қаңтар–қарашада мемлекеттік бюджет шығынының ең үлкен үлесі (22%) білім беру саласына тиді: 5,1 трлн теңге, жылдық өсім 27,4%.
Одан кейін әлеуметтік көмек пен әлеуметтік қамсыздандыру (4,8 млрд теңге, 17,4% көбейген), денсаулық сақтау (2,1 млрд теңге, 10,4% көбейген), тұрғын үй-коммуналдық шаруашылық (1,5 млрд теңге, 44,9% көбейген), көлік және коммуникация (1,4 млрд теңге, 29,3% көбейген).
Бір жыл бұрынғы 1,3 трлн теңгемен салыстырғанда қарызға қызмет көрсетуге жұмсалған шығын 1,8 трлн теңгені құрады. Жылдық өсім 40,8%.
Өз кезегінде, табыстың басым бөлігі дәстүрлі түрде мемлекеттік бюджетке салық түсімдері есебінен түсті — 74,8% немесе 2023 жылдың он бір айында 16,6 трлн теңге, бұл бір жыл бұрынғыдан 22,9% артық. Оның ішінде қосылған құн салығы — 5,3 трлн теңге, корпоративтік табыс салығы — 3,9 трлн теңге, жеке табыс салығы — 1,8 трлн теңге, әлеуметтік салық — 1,2 трлн теңге, акциздер — 764,4 млрд теңге болды.
Салықтық емес түсімдер бір жылда 2,6 есе өсіп, 1,5 трлн теңгеге жетті. Негізгі капиталды сатудан түскен табыс 28,1% азайып, 147,3 млрд теңге болды.
Бұл ретте трансферттердің түсімдері 3,9 трлн теңгені құрады, бұл бір жыл бұрынғыдан 5% аз.
14 маусымда Германияның Мюнхен қаласында футболдан XVII Еуропа чемпионаты басталады. «Қазақстан» телеарадиокорпорациясы Еуро-2024 матчтарын тікелей…
Орталық коммуникациялар қызметінде өткен брифингте әділет вице-министрі Ботагөз Жақселекова "Ынтымақ" саяси партиясы қашан мемлекеттік тіркеуден…
Қазақстан Республикасының заңнамасында көлік құралын мас күйінде басқарғаны үшін әкімшілік жауапкершілікпен қатар қылмыстық жауапкершілік қарастырылған.…
ҚР Еңбек және халықты әлеуметтік қорғау министрі Светлана Жақыпованың атынан әлеуметтік желілер мен мессенджерлердегі ашылған…
Осыдан 2 жыл бұрын әлеуметтік алауыздыққа бағытталған әрекет жасағаны үшін сотталған блогер Мұрат Әбділда сотқа…
Шымкентте әскерилер жас жігітті комиссариатқа күштеп апарып, пара беруге бопсалаған. Мерзімді әскерге шақырылушы ақша таппай,…