Энергетика министрі қазақша еркін сөйлеуді үйренуге 6 ай уақыт сұрады.
11 сәуірде өткен үкімет отырысының кулуарында журналистер Энергетика министрі Алмасадам Сәтқалиевтен қазақша жауап беруді өтінді, дейді zakon.kz.
Дегенмен министр қазақшамды жақсартуым керек деп алты ай уақыт беруді сұрады. Ол негізгі сұрақтардың бәріне орысша жауап берді.
Кешіріңіз, мен өз ана тілімді негізі білемін. Бірақ қазақша сөйлеу деңгейімді көтеруім керек. Маған алты ай беріңіз. Сонда барлық сұрағыңызға қазақ тілінде жауап беремін. Маған алты ай беріңіз, кешіріңіз. Сапалы жауап беремін,
деді Энергетика министрі Алмасадам Сәтқалиев.
