Мобилизация жарияланғаннан кейін Қырғызстанға келген ресейліктерге босқын мәртебесі берілмейді. Бұл туралы парламенттің көлік, коммуникациялар, сәулет және құрылыс комитетінің отырысында белгілі болды, деп хабарлайды 24kg.

Депутаттар екінші оқылымда «Азаматтық хал актілері туралы» заңға өзгерістер енгізуді талқылады.

Министрлер кабинеті бастамашы болған құжаттың бастапқы нұсқасында Ресейде мобилизация жарияланғаннан кейін Қырғызстанға келген ресейліктерге босқын мәртебесін беру ұсынылды. Алайда бірінші оқылымда бірқатар депутат бұл бастамаға қарсылық білдіріп, құжатты пысықтауды сұрады.

Біз түзетілген құжатты қабылдасақ, мобилизациядан кейін келген ресейліктер босқын мәртебесін ала ма?.

деп сұрады халық қалаулысы Тазабек Икрамов

Цифрлық даму министрлігінің өкілдері алаңдайтынын жағдай емес екенін айтты.

Екі жыл бойы ешкімге босқын мәртебесі берілген жоқ. 20 жыл ішінде бұл мәртебені 159 адам алған. Біз жай ғана құжаттарымызды заң жобасына сәйкестендіруді қалаймыз. Бұл заңда ешкімге босқын мәртебесі немесе азаматтық беру мәселесі қарастырылмаған,

деді министрлік өкілі.