Астанада 1680 ақылы тұрақ орны демонтаждалды. Локациялар қала әкімдігінің тапсырмасы бойынша «Астананың көлік тұрағы кеңістігі» ЖШС-мен қайта қаралды.
Осылайша, ақылы тұрақтар әлеуметтік және басқа объектілердің жанында орналасқан 55 жер учаскесінен алынып тасталды.
Мысалы, Сарыарқа ауданында 860 ақылы тұрақ орны, Алматы ауданында – 325, Байқоңыр ауданында – 107, Есіл ауданында 388 тұрақ орны алынды.
Ақылы тұрақ орындары орналасқан учаскелер қала меншігінде болған. Жоба қаланың көлік стратегиясының бір бөлігі, ол тұрақ орындарының тапшылығы проблемасын шешуге мүмкіндік береді, автомобиль трафигін реттейді, жаяу жүргіншілердің қауіпсіздік деңгейін арттыруға ықпал етеді және т.б. Жобаның басты мақсаты – көшелердің өткізу қабілетін арттыру және жол-көлік оқиғаларының санын азайту,
деп хабарлайды Нұр-Сұлтан қаласы әкімдігінің ресми сайты.
«Астананың тұрақ кеңістігі» ЖШС атап өткендей, әлемдік тәжірибе тұрақ орындарын басқарудың тиімді жүйелері тұрақ кеңістіктерінің жүктемесін 40-50% — ға төмендететінін, жол желісіне жүктемені 20-30%-ға азайтатынын және ең бастысы, қаланың проблемалық аудандарында жол қозғалысы ережелерін бұзу санын 70%-ға дейін қысқартатынын дәлелдеді.
Ақылы автотұрақтар ашылғанға дейін Нұр-Сұлтан қаласының орталық аудандарының жүктемесі 150-175%-ды құрады. Жұмыс күндеріндегі реттелмейтін тұрақтардың айналымы тек 1-2 автомобильді құрады – бұл автокөлік әуесқойлары тегін тұрақ орындарын теріс пайдаланғанын, көліктерін ұзақ уақыт, кейде бір күн немесе тіпті бірнеше күн қалдырғанын, осылайша басқа қатысушылар үшін қозғалысты қиындатқанын көрсетеді. Бүгінде жағдай 3-4 жыл бұрынғыға қарағанда әлдеқайда жақсы.
Бұл ретте тұрақ орындарының 10%-ы мүгедектердің және оларды тасымалдайтын адамдардың көлік құралдарын тегін орналастыруға арналған, жеңілдікті санаттарға сәйкес келмейтін қалған барлық азаматтар үшін ақылы аймақтарда тұрақ күн сайын сағат 20:00-ден кейін, сондай-ақ, демалыс және мереке күндері тегін болады.
Ресей президентінің баспасөз хатшысы Дмитрий Песков Владимир Путиннің Иран президентін жерлеу рәсіміне баратын жоспары жоқ…
Эстрада әншісі Абай Бегейдің қызы, блогер Ерке Ниязқұлова «Инстаграм» парақшасында өгей анасы туралы әңгіме қозғады.…
Кинематография әлеміндегі ең танымал қазақ көрші елде өте керемет жобаларды жүзеге асырып отыр, ал президент…
Батыс Қазақстан облысында су тасқынынан зардап шеккен елді мекен тұрғындары үшін 357 жаңа үйдің құрылысы…
Астана қаласының қылмыстық істер жөніндегі мамандандырылған ауданаралық сотымен «№2 және №5 нан базасы» «Астық қоймалары»…
Шымкент қаласы әкімінің бұрынғы бірінші орынбасары Мақсұт Исаховқа сот үкімі шықты. Экс-шенеунік 2023 жылдың шілдесінде тұтқынға…