Әлемдік БАҚ не туралы жазып жатыр.
Базарлардағы тәртіпсіздіктер
Қор нарығы үшін сәтсіз жыл басы және қысқа мерзімді болжамдар инвесторларды құбылмалылы күй кешуге және сәйкесінше шығындарға дайындап жатыр деп жазады The Wall Street Journal.
Инфляцияның жеделдеуі және пайыздық мөлшерлемелердің өсуі бірнеше нарыққа ғана әсер етпеген көпайлық құлдырауды тудырды. Dow Jones Market Data мәліметтеріне сәйкес, S&P 500 индексі бейсенбіде 21%-ға төмендеп, 1970 жылдан бергі ең нашар жартыжылдықты бастан өткерді. IShares Core us Aggregate Bond биржалық қорының бағалауы бойынша инвестициялық деңгейдегі облигациялар 11% жоғалтты, бұл тарихтағы ең нашар жыл болды.
Австралияның кеме фиаскосы
Австралияның аймақ елдерімен қарым-қатынасын жақсартуға кедергі келтіруі мүмкін үлкен проблема анықталды дейді Вloomberg.
Австралияның Тынық мұхиты флотын қолдау бағдарламасы аясында үкімет Әскери-теңіз операцияларына және теңізді бақылауға көмектесу үшін аралдық мемлекеттерге 22 Guardian санатты патрульдік қайықтарды тегін беруге ниетті. Кем дегенде бес кемені Соломон аралдары, Тонга және Палау алды.
Алайда Австралияның Қорғаныс министрлігі берілген кемелерге қатысты бірқатар техникалық проблемалар туындағанын хабарлады. Негізгілері — қозғалтқыш пен беріліс қорабы арасындағы муфтадағы ақаулар және лазареттегі желдету проблемалары. Сонымен қатар, пайдаланылған газ шығару жүйесіндегі ақаулар экипаждың өміріне қауіп төндіреді, өйткені кеме бөлмелеріне улы газ ағуы тіркелген.
Қорғаныс министрлігі Тынық мұхиты елдері қайықтарды пайдалануды жалғастыру туралы өз бетінше шешім қабылдауы керек деп мәлімдеді, «ұзақ мерзімді шешімдер қабылдағанға дейін уақытша түзету шараларын қабылдауға» мамандарды жіберуге уәде берді. Біз кемелерді ауыстыруды қарастырмаймыз, өйткені олардың саны шектеулі және аймақтың басқа мемлекеттеріне есептелген.
Мәселе Австралия үшін ең қолайсыз сәтте пайда болды, өйткені жақында Сыртқы істер министрі қызметіне тағайындалған Пенни Вог Бейжіңнің ықпалын төмендетуге тырысып, аймақ елдеріне сапарлаған. Кемелерді тарту бағдарламасы оның басты көзірі болатын.
Ердоған ескертеді…
НАТО басшылары Скандинавия елдерін қабылдайтыны туралы ерте хабарлап қойған сияқты. Бұл туралы The Guardian жазады.
Түркия президенті Швеция мен Финляндияның одаққа кіруіне қарсылығынан бас тартқаннан кейін екі күн өткен соң, егер екі ел оның үмітін толық ақтай алмаса, Анкара бұл процесті әлі де тоқтата алатынын ескертті.
Тыйым салынған күрд топтарымен немесе 2016 жылғы сәтсіз төңкеріс жасады деп айыпталған қуғынға ұшыраған дін қызметкерімен байланысты терроризм күдіктілерін экстрадициялау туралы Түркияның талабын Швеция мен Финляндия қанағаттандырғанын Ердоған Мадридтегі саммиттің жабылуында ерекше атап өтті.
Бір күн бұрын Финляндия мен Швеция өкілдерінен журналистер экстрадицияның адам құқықтарымен қалай байланысты деген сұрағанда:
өз заңнамасы мен халықаралық келісімдерін ұстанатын болады. Сайып келгенде, экстрадиция — бұл заңды көзқарас, оған саясаткерлердің ықпал етуге құқығы жоқ
деп жауап берді.
Осы мәлімдемелерден кейін Ердоған егер оның елі келісімдермен манипуляциялау әрекеттеріне тап болатын болса, Түркия парламенті скандинавиялықтардың НАТО-ға кіруін ратификацияламайтынын атап өтті.
Ақша тек тамақ пен бензинге жетеді
АҚШ-тағы рецессия қаупі туралы тақырыпты жалғастыра отырып, экономикалық кеңестің бұрынғы директоры Ларри Линдсейдің пікірлерін Fox news жариялады.
Маусымдағы инфляциялық есептің шығуы қарсаңында Линдси «алда бізді тек жаман жаңалық күтеді» деді.
Оның аналитикалық компаниясының есептеуі бойынша тұтыну қисығы тоқтаусыз төмендеп жатыр.
Орташа табысы бар төрт адамнан тұратын отбасы соңғы 12 айда қаражаттың 90%-ын тек азық-түлік пен бензинге жұмсады, олар күрт қымбаттады. Қалғанына тиын-тебен қалды. Сондықтан, менің ойымша, тұтынушыға тауарлардың барлық түріне сұранысты қолдап отыру қиын болады,
дейді Линдси
АҚШ-та «жасылдарды» қыспаққа алды
Бизнесті реттеуге және «жасыл» экономикадан кетуге қарсы тұрудың жаңа кезеңін New York Times тіркеді. Жоғарғы Сот Қоршаған ортаны қорғау және шығарындыларды азайту жөніндегі агенттіктің жоспарын жойды.
Бұл шешімнің екі негізгі салдары бар.
Біріншіден, мемлекет бизнеске қысым көрсетудің негізгі құралын жоғалтады, енді басқа нормативтік экологиялық актілерді Сенат арқылы алға жылжыту қиынға соғады.
Екіншіден, негізінен көмірсутектерде жұмыс істейтін мемлекеттер бұдан былай ЖЭК-ті дамытуға қаражат жұмсамауы мүмкін. Бұл жаһандық жылынуға қарсы күреске күмән тудырады.
