НАТО Парламенттік ассамблеясы альянс мүшелерін ресейлік режимді террор деп тануға шақырған қарар шығарды. Онда Ресейдің Украинаға қарсы агрессиясына байланысты қылмыстарды тергеу үшін арнайы халықаралық трибунал құру қажет екені айиылған.
Ресей билігі азаматтық нысандар мен инфрақұрылымдарды атқылап, асқан жабайылық көрсетті, нағыз террористер секілді әрекет етті. Оларды халықаралық трибуналмен террорист ретінде соттау қажет,
деп мәлімдеді НАТО парламентік ассамблеясының жаңадан сайланған төрайымы Жоэль Гарьо-Майлям.
Альянс НАТО-ға мүше елдерді Украинаға әскери, барлау, қаржылық және гуманитарлық қолдауды арттыруға, соның ішінде қару-жарақ жеткізуді жеделдетуге және бұл қолдауды Украина жеңіске жету үшін қажет болғанша беруге шақырды.
