Желіде Түркістан облысы тұрғындарының әкімінің халық алдына шығуын тізерлеп тұрып сұраған видеосы тарады.
Түркістанда бір топ тұрғын облыс әкімін ерекше түрде шақырып жатыр.
Сонымен құретті Түркістан шаруалары! Сіздерге әкім емес, хан келіпті. Ханнан не сұрасаң да тізерлеп сұрау керек. Сондықтан тізені бүгіп, сұраңыздар ханнан. Тым болмаса, сіздердің алдыңызға шықсын,
дейді сонда тұрған адамның бірі.
Осыны ести сала бір топ адам бір тізесін бүгіп, екі қолын алға созып, енді бірі бір қолын кеудесіне қойып «О, хан ием!» деп дабырлап кетті.
