Лисаковскте тұратын ерлі-зайыптылар Рустам Шакуров пен Музамма Мансур — 36 баланың ата-анасы. Өздері де көпбалалы отбасыда өскен. Алайда үш баласы қайтыс болып кеткен. Қалған үшеуі Юлдаш пен Шерзод ер жеткен, ал қыздары Шакира 16 жаста.
Шакира кішкентай болғанда жанында серік болатын ешкім болмады. Сол кезде арманымызды орындап, жетімдер үйінен бала асырап алуды шештік. Бір-екі бала алғымыз келген. Келіп, танысқан соң бірден жеті баланы асырап алдық. Кейін тағы қосылды,
дейді Муззама.
Ерлі-зайыптылар бітпейтін үй тірлігімен толықтай өздері айналысады екен. Балалар тек табиғи өнімдерді тұтынады. Тоңазытқыш алдын ала дайындалған тағамдарға толы. Басым бөлігі өз бақтарында өсірілген. Ал үлкен отбасына күніне 30 дана нан қажет екен.
Қазір Музамма мен Рустам тәрбиелеген 8 студент әр қалада білім алады. Ал ата-анасы тұрғын үй және азық-түлікпен көмектеседі. Ең кішкентайы Азиза 6 жаста. Келесі жылы бірінші сыныпқа барады.
