Владимир Путиннің баспасөз хатшысы Дмитрий Песков ресейлік телеарналарда Қазақстанға жөніндегі мәлімдемелерге қатысты пікір білдірді,
Бұл саясаттанушылардың пікірі. Ол пікір үкіметтің, Кремльдің саяси ұстанымын білдірмейді. Оларды тыңдап, көрудің қажеті жоқ,
деді Песков.
Еске салайық, Ресейдің «Россия-1» телеарнасының «Вечер с Владимиром Соловьёвым» ток-шоуында сарапшылардың бірі Ресейдің Украинадан кейінгі келесі проблемасы Қазақстан екенін айтты. Бұл мәлімдеме Қазақстан жұртшылығының наразылығын тудырды. Айта кету керек, бұл ресейлік сарапшылардың Қазақстанға қарата айтылған тұңғыш мәлімдемесі емес.
