«Ескі Қазақстан» ескі орнына қайта оралып жатыр деседі.
«Ескі Қазақстан» ел экономикасындағы ең маңызды, стратегиялық орындарына қайта жайғасуға кіріскен екен.
Кезінде бизнесмен Дінмұхамед Ыдырысовпен қоян-қолтық жұмыс істеген Нәби Айтжанов KEGOC-тың жаңа басшысы болып сайланды.
«KEGOC» АҚ Басқарма төрағасы болып Наби Айтжанов сайланды, оның өкілеттік мерзімі үш жылға белгіленді, деп хабарлады «Самұрық-Қазына» қорының баспасөз қызметі.
Нәби Айтжанов бұған дейін «Қазақстан коммуналдық жүйелері» ЖШС-інің бас директоры болып келген.
«Қазақстан коммуналдық жүйелері» ЖШС-і бизнесмен Дінмұхамед Ыдырысовтың бақылауында. Ыдырысовтің өзі мәжілістің экс-спикері Нұрлан Нығматулиннің құдасы болып келеді.
Еске салсақ, 2019 жылы Қазақстанның ұлттық банкі соттың бизнесмен Дінмұхамед Ыдырысовтан «Qazaq Banki» АҚ берген 25 млрд теңгені өндіруден бас тарту туралы шешіміне шағым түсірмек болған.
