Биыл бірінші тоқсанда Қазақстаннан Ресейге 34 мың 783 адам жұмыс іздеп барған. Бұл туралы Ресейдің Қауіпсіздік қызметі хабарлады, деп жазды Ведомости басылымы.

Басылым мәліметіне сүйенсек 2023 жылдың алғашқы үш айында Ресейге 1 300 000 еңбек мигранты барған. Бұл былтырғы жылмен салыстырғанда 1,6 есеге көп. Атап айтқанда:

• Өзбекстаннан 630 мың 859 адам;
• Тәжікстаннан 349 мың 357 адам;
• Қырғызстаннан 172 мың 591 адам;
• Армениядан 47 мың 337 адам;

Кейбір деректерде былтыр Ресейге 3,5 млн мигрант жұмыс іздеп барғаны туралы жазылған. Дегенмен бұл ресми тіркелген көрсеткіш. Ал олардың көпшілігі Украинаның басып алынған қалаларын қалпына келтіруге тартылған екен.