Пәкістанның оңтүстігінде пойыздың рельстен шығып кетуінен 30 адам қаза тауып, 100-ге жуық адам жараланды. Бұл туралы BBC хабарлайды.
Хазара экспрессінің бірнеше вагоны Карачи қаласынан 275 км (171 миль) жерде Навабшахтағы Сахара теміржол вокзалының жанында аударылды. Зардап шеккен жолаушылар жақын маңдағы ауруханаларға жеткізілді. Құтқару топтары үйінді астында қалған адамдарды шығаруға тырысуда. Пәкістанның ескірген теміржол жүйесіндегі апаттар сирек емес. Әлеуметтік желіде жарияланған бейнежазбадан апат орнында ондаған адамның болғанын, кейбір жолаушылардың аударылған вагондардан шығып жатқанын көруге болады.
Олар көмектес деп қатты айқайлады. Мен не істерімді білмедім. Жақын маңдағы арнадан су алып, ес-түссіз жатқандар есін жинап қалар деген үмітпен беттеріне су құйдым,
деді жолаушы Насер Ахмед.
Насер «поезд рельстен шығып кеткен кезде терезеден құлап кеткендіктен» апаттан аман қалғанын айтты.
Темір жол министрі Саад Рафик алғашқы тергеулер пойыздың қалыпты жылдамдықпен жүргенін көрсеткенін және рельстен шығудың себебін анықтауға тырысып жатқанын айтты. Бұл механикалық ақаудың немесе саботаждың нәтижесі болуы мүмкін, дейді ол.
Карачидегі теміржол өкілі сегіз вагон рельстен шығып кеткенін айтты. Оның айтуынша, оқиға орнында құтқарушылармен бірге әскерилер және әскерилендірілген жасақтар пойыз вагондарының ішінде қалып қойған жолаушыларды шығаруға көмектескен. Ең ауыр жарақат алған жолаушылар әскери тікұшақтармен алыстағы, жақсырақ жабдықталған ауруханаларға жеткізілді.
Шенеуніктердің айтуынша, құтқару жұмыстары жексенбі күні кешке аяқталды.
Навабшах пен Синдтің көршілес аудандарындағы негізгі ауруханаларда төтенше жағдай жарияланды. Синдтің ішкі аймағында пойыз қозғалысы тоқтатылды.
14 маусымда Германияның Мюнхен қаласында футболдан XVII Еуропа чемпионаты басталады. «Қазақстан» телеарадиокорпорациясы Еуро-2024 матчтарын тікелей…
Орталық коммуникациялар қызметінде өткен брифингте әділет вице-министрі Ботагөз Жақселекова "Ынтымақ" саяси партиясы қашан мемлекеттік тіркеуден…
Қазақстан Республикасының заңнамасында көлік құралын мас күйінде басқарғаны үшін әкімшілік жауапкершілікпен қатар қылмыстық жауапкершілік қарастырылған.…
ҚР Еңбек және халықты әлеуметтік қорғау министрі Светлана Жақыпованың атынан әлеуметтік желілер мен мессенджерлердегі ашылған…
Осыдан 2 жыл бұрын әлеуметтік алауыздыққа бағытталған әрекет жасағаны үшін сотталған блогер Мұрат Әбділда сотқа…
Шымкентте әскерилер жас жігітті комиссариатқа күштеп апарып, пара беруге бопсалаған. Мерзімді әскерге шақырылушы ақша таппай,…