Пәкістанның бұрынғы президенті Первез Мушарраф 79 жасында қайтыс болды. Ол созылмалы аурудан сырқаттанып, Дубайда ауруханада жатқан болатын. Бұл туралы Азаттық Радиосы хабарлады.
Мушарраф 2001-2008 жылдары Пәкістан президенті болған. Ол Делиде дипломат отбасында дүниеге келген. 1961-1964 жылдары Пәкістан әскери академиясында оқыған, 1971 жылдан кейін Кветте қаласындағы команда-штаб колледжінде білім алған. Бұдан бөлек, Равалпинди ұлттық қорғаныс колледжін, Ұлыбританияның король қорғаныс колледжін тәмамдаған.
Өмірінің соңында ол Бірікке Араб Әмірліктерінде тұрған.
