Елдің оңтүстік-шығысындағы Пуно департаментінде орналасқан Перудың Хуляка қаласында үкіметке қарсы шараларда кем дегенде 17 адам қаза тауып, 50-ден астам адам зардап шекті. Жергілікті әуежайға шабуыл жасамақ болған наразылық білдірушілер қауіпсіздік күштерімен қақтығысқа түсті, олар жауап ретінде қару қолданды.
Манифестанттар бұрынғы президент Педро Кастильо құлатылып, қамауға алынғаннан кейін билікке келген президент Дина Болуартенің отставкаға кетуін талап етті.
Айта кетейік, Хуляктағы әуежай маңындағы қақтығыстар 6 қаңтарда басталды. Демонстранттар жаңа президенттік сайлауды өткізуді талап етеді. Премьер-министр Альберто Отарола манифестанттармен диалог жүргізу үшін Пуноға делегация жіберіліп жатқанын хабарлады. Желтоқсан айында Педро Кастильо Перудегі тәртіпсіздіктер кезінде биліктен кеткеннен кейін, оның қатысушылары жолдарды жауып, билік пен күш құрылымдарының ғимараттарына шабуыл жасады, 30-ға жуық адам қаза тапты, тағы жүздеген адам зардап шекті.
