Енді пойыздардағы үстіңгі орындар төменгілерге қарағанда 20%-ке арзан болады. Бұл туралы «Жолаушылар тасымалы» АҚ хабарлады.
Пилот режимінде «Жолаушылар тасымалы» АҚ 2022 жылғы 1 желтоқсаннан бастап 2023 жылғы 28 ақпанға дейін жүретін коммерциялық пойыздардың вагондарында жоғарғы және төменгі орындарға жол жүру ақысына сараланған тәсілді енгізеді. Үстіңгі және төменгі орындар арасындағы тариф айырмашылығы 20% болады
делінген хабарламада.
Жоба вагондардағы орындарды біркелкі бөлу, сонымен бірге жолаушылардың төменгі орындарға сұранысын қанағаттандыру мақсатында жүзеге асырылып жатыр.
Сараланған тәсіл төмендегі жолаушылар пойыздарына қолданылады:
- No111/112 Алматы – Маңғыстау
- №51/52 Алматы – Орал
- №105/106 Алматы – Петропавл
- №71/72 Астана – Шымкент
- №29/30 Алматы – Атырау
