Орталық Азия елдерінің бірыңғай тауар өткізу жүйесінің тірек нүктелері болатын шекара маңында сауда-экономикалық хабтар желісі іске қосылуы мүмкін.
Орталық Азия мемлекеттері басшыларының IV консультативтік кездесуінде Қазақстан президенті Қасым-Жомарт Тоқаев көпжақты өзара іс-қимылдың берік экономикалық базасын қалыптастыру қажет екенін айтып өтті.
Кейінгі жылдары бұл бағытта жақсы нәтижеге қол жетті. Кейінгі 5 жылда Қазақстан мен Орталық Азия елдері арасындағы тауар айналымы 42%-ке артып, 6,3 миллиард долларға жетті. Өзара сауда-саттықты кеңейту үшін зор мүмкіндіктер бар екенін ескере отырып, алдағы уақытта бұл көрсеткішті 15 миллиард долларға дейін жеткізуге ниеттіміз,
деді Қасым-Жомарт Тоқаев..
Ол санкциялар соғыстары мен өсіп келе жатқан протекционизмнің әсерінен болатын жаһандық құлдырау қаупі аймақтық экономикалық ынтымақтастықты үдемелі дамыту мәселесін бірінші орынға шығаратынын түсіндірді.
Барлық жерде өндірістік және сауда-саттық жеткізу тізбектерінің құлдырауы жағдайында аймақтандыру тенденциясы айқын көріне бастады. Осыған орай, бұл біздің елдер арасындағы сауда көрсеткіштері барлық қолда бар әлеуетті көрсетпейді.
Орталық Азия экономикалық кооперациясы, басты болмаса да, ең болмағанда, біздің ұлттық экономикаларымыздың өсуінің негізгі көздерінің біріне айналуы мүмкін. Экономикалық әлеуетті және тиімді географиялық жағдайдың артықшылықтарын толық пайдалану үшін құрылымдық және инфрақұрылымдық шектеулерді жою мақсатында тығыз өзара іс-қимылды жолға қою керек,
деді мемлекет басшысы.
Шекара маңындағы сауда-экономикалық хабтар желісін іске қосуға болады, олар — Орталық Азия елдерінің бірыңғай тауар өткізу жүйесінің тірек нүктелері. Олардың одан әрі кеңейту перспективасы болады. Қазақстан бұл бағытта қырғыз және өзбек серіктестерімен нақты қадамдар жасап жатыр. Атап айтқанда, қазақ-өзбек шекарасында «Орталық Азия» халықаралық өнеркәсіп кооперациясы орталығы жобасы, қазақ-қырғыз шекарасында индустриялық сауда-логистика кешені іске асырылып жатыр.
Тәжікстанмен көтерме-тарату орталықтарын құру туралы келісім бар, ал Түркіменстанмен бірлесіп астық терминалын салуды жоспарлап отырмыз. Бұл жобалар өзара тауар айналымы көлемін ұлғайту үшін және өнімді ЕАЭО және басқа елдердің нарығына экспорттау үшін біздің ортақ мүдделерімізге сай келеді,
деп сөзін аяқтады Қазақстан президенті.
14 маусымда Германияның Мюнхен қаласында футболдан XVII Еуропа чемпионаты басталады. «Қазақстан» телеарадиокорпорациясы Еуро-2024 матчтарын тікелей…
Орталық коммуникациялар қызметінде өткен брифингте әділет вице-министрі Ботагөз Жақселекова "Ынтымақ" саяси партиясы қашан мемлекеттік тіркеуден…
Қазақстан Республикасының заңнамасында көлік құралын мас күйінде басқарғаны үшін әкімшілік жауапкершілікпен қатар қылмыстық жауапкершілік қарастырылған.…
ҚР Еңбек және халықты әлеуметтік қорғау министрі Светлана Жақыпованың атынан әлеуметтік желілер мен мессенджерлердегі ашылған…
Осыдан 2 жыл бұрын әлеуметтік алауыздыққа бағытталған әрекет жасағаны үшін сотталған блогер Мұрат Әбділда сотқа…
Шымкентте әскерилер жас жігітті комиссариатқа күштеп апарып, пара беруге бопсалаған. Мерзімді әскерге шақырылушы ақша таппай,…