Мемлекет басшысының өкімімен Руслан Қоңыров Әскери-әуе күштерінің қолбасшысы болды. Бұл туралы Ақорда хабарлады.
Қасым-Жомарт Тоқаев Нұрболат Еркебайұлы Топаевты Әскери-әуе күштерінің қолбасшысы лауазымынан босатты. Ол бұл қызметті 2019 жылғы қыркүйектен бастап атқарған еді.
Оның орнына жаңа қолбасшыны қойды.
Мемлекет басшысының өкімімен Руслан Зарлықұлы Қоңыров Қазақстан Республикасы Қарулы Күштері Әуе қорғанысы күштері Әскери-әуе күштерінің қолбасшысы лауазымына тағайындалды,
делінген Ақорда таратқан хабарламада.
Руслан Қоңыров 1970 жылғы 27 наурызда Батыс Қазақстан облысы Теректі ауданы Федеровка ауылында өмірге келген.
Ол — 1-сыныпты ұшқыш, әскери-көліктік авиация ұшқышы, Як-18, Ан-26, Ан-72 және С-295 ұшақ түрлерін меңгерген. Жалпы ұшқан уақыты — 3500 сағат.
2016 жылы С-295 әскери-көліктік ұшақ экипажы құрамында Қазақстан Республикасының азаматтарын РФ Санкт-Петербург қаласынан Астанаға тасымалдау бойынша гуманитарлық көмек беруге қатысқан.
Бұған дейін Әуе қорғанысы күштері Әскери-әуе күштерінде штаб бастығы қызметінде істеді.
