Кім керек?

Бізге дәл кәзір, дәл бүгінгі күні?

«Ешқандай да депутат, ешқандай да сәндидат, «ринат-пинат», «арман-сарман», ешкім керек жоқ.

Бізге Ли Куан Ю керек! Бізге Саакашвили керек! Бізге Кемал Ататүрік керек!

Қалған ұрандар, «су жаңа» идеялар – бәрі былжырақ әңгіме.

Бұрынғы ұрылардың орнына келмек су жаңа ұрылар толқыны.

Бұрынғы жағымпаздардың орнына, су жаңа жағымпаздар келіп жатыр. Болды.

Бұл деген болашақ ұрпақтың алдында жасалып жатқан үлкен қылмыс.

Бұл істердің салдарынан қаншама ұрпақ оңбай опық жейтін болады.

Ли Куан Ю қалай шығады біздің қоғамнан?

Шығады.

Ол үшін қазақ мінез көрсету керек.

Жалпақ тілмен айтар болсам, позаға тұру керек, сол кезде шығады Ли де, Саакашвили де.

Сұраныс тудырады.

Ал мынадай кіл екіжүзді, кіл жағымпаздар қаптап кеткен жерден шықпайды.

Өкінішке қарай.

Мен ойлап едім, қанды қаңтар біздің қоғамның санасын сілкіп тастайды деп.

Тағы да шатасыппын», деп күрсінген екен белгілі қазақ блогері Медет Арыстан.