Сатудан түскен қаражат қала бюджетіне түседі.
Оңтүстік астананың экс-әкімі Бақытжан Сағынтаевтың бұрынғы күйеу баласы – Бақыт Ибрагимнен тәркіленген Шымбұлақтағы коттеджді Алматы әкімдігі сатты, деп хабарлайды Orda.kz сайты.
Олар екі қабатты үйді кем дегенде 265 млн теңгеге сатпақ болған. Бірақ 11 қазанға жоспарланған аукцион сатып алушылар болмағандықтан өтпеді.
Әкімдік коттеджді біреу сатып алғанша электронды аукционға қоятынын хабарлады. Нәтижесінде 27 қазанда жылжымайтын мүлік 270 млн теңгеге саудаланды.
Анықталғандай, коттедж Сағынтаевтың қызы Меруертке үйленген Бақыт Ибрагимнен Bank RBK ақшасын жымқыру ісі бойынша тәркіленген. Сот оны мүлкін тәркілеп, сегіз жылға бас бостандығынан айырды.
Сол кезде Ибрагимнен элиталық үйден басқа не тәркіленді деп ойлайтын шығарсыз:
- екі Lexus LX 570 көлігі,
- «Audi A8» маркалы автокөлік,
- Астана қаласы, Байтұрсынұлы көшесі, 5-үй мекенжайындағы пәтер және осы үйдегі автотұрақ,
- Астана қаласы, Ахмет Байтұрсынұлы көшесі 3 үй мекенжайындағы пәтер және осы үйдегі автотұрақ,
- Астана қаласы, Алматы ауданы, А25 көшесі мекенжайындағы пәтер мен жер учаскесі,
- Шымкент қаласы, Абай ауданы, Қуаныш Төлеметов көшесі, мекенжайы бойынша ғимараттары бар жер учаскелері,
- Шымкент қаласы, Әл-Фараби ауданы, Жомарт Тыныбаев көшесіндегі пәтер,
- Алматы қаласында Әл-Фараби даңғылы бойындағы гараж және қойма,
- Астана қаласы, Рақымжан Қошқарбаев даңғылы, 2 ғимаратта орналасқан пәтер мен
- Алматы қ., шағын аудан. Алатау шағын ауданындағы үй,
- Алматы қаласы, Горная көшесі 489 мекенжайындағы үй (Шымбұлақ),
- Астана қаласы Қабанбай батыр даңғылы бойындағы өнеркәсіптік-өндірістік нысан,
- Латвияның «RetumeBank» және «ABLVBank» банктеріндегі 7 000 еуро,
- «Richard Mille» брендімен RM27-01CA47/50 шектеулі шығарылымдағы сағат (Рафаэль Надаль).
Бұл мүліктің бір бөлігі Ибрагимнің туыстарының атына рәсімделген.
