ҚР Қарулы Күштерінде 5 ай ішінде төрт сарбаз суицид жасады және жеті сарбаз жасауға талпынған.
Қорғаныс министрінің орынбасары Дархан Ахмедиев ҚР Қарулы Күштеріндегі өзін-өзі өлтіру себептерін айтты. Ол осындай жағдайдың санын азайту бойынша арнайы топ құрылғанын айтып өтті.
Шын мәнінде, статистика аянышты. Қазақстанда 5 ай ішінде 4 318 суицид дерегі тіркелген, оның төртеуі Қарулы Күштерге тиесілі. Суицид жасауға талпынғандар саны — 4 942, оның жетеуі — Қарулы Күштер қатарындағылар. Демек бұл — 0,1%.
Мен бұл статистиканы қалқан етуге тырысып жатқаным жоқ. Дегенмен мұндай жағдайлар тіпті автомобиль өндіретін кәсіпорындарда да болады. Ал біз бұл жерде адамдар қару пайдаланатын Қарулы Күштер туралы айтып жатырмыз. Бақытсыз жағдайлардың болатыны түсінікті,
деді Дархан Ахмедиев.
Бұл ретте ол әскерилер арасында суицидтің аномал өсуі жоқ екенін айтып өтті. Себебіне келер болсақ, екі жағдайда отбасылық-тұрмыстық жанжал кесірінен болған. Қалған екі жағдай бойынша тергеу шаралары жүріп жатыр.
Өкінішке қарай, бізде 18 жастағы жігіттер жедел қызметке келеді. Ал олардың басында 9 млн кредит бар. Екіншіден, триггер болатын әлеуметтік мәселе өте көп. Әр жағдай жеке қарастырылады, нақты бір себебі бар деуге келмейді,
деді Дархан Ахмедиев.
