Соңғы уақытта отандық шоу-бизнесте өзінен жасы кіші жігітке тұрмысқа шығу сәнге айналғандай. Бұл жолы жасы 60-қа тақаған Шахизада санаулы сағат бұрын төртінші күйеуін елге таныстырды, деп хабарлайды Экспресс К.
Шахизада жеке өміріндегі жағымды жаңалығын өзінің жеке парақшасында жариялап, жас жігітпен көңіл қосқанын растады.
Бізде жағдай осындай. Адамнан жасырғанды, Құдайдан жасыра алмайсың. Көп сөге көрмеңіздер. Махаббат жасқа қарамайды екен,
деп жазды әнші.
Шахизаданың жүрегін жаулаған жігіттің аты-жөні — Ерболат Ержанбаев. Өнерден алшақ емес екен, осы уақытқа дейін әнші ретінде танылған. Ол да Шахизадамен арадағы қарым-қатынасын көпшіліктен жасырмапты.
Біреуден естігенше, өзімнің парақшамнан көргендеріңіз дұрыс шығар,
деп жазды жігіт.
Шахизаданың төртінші күйеуі өзінен 18 жас кіші. Әлгі жігіт бұрын үйленген екен. 60-қа тақаған әнші әйелге ессіз ғашық болғаны соншалық, үш ұлы мен жұбайын тастап кеткен көрінеді.
«Үш ұлдың анасы ше? Сұмдық, мына кісі әйел емес әже ғой», «Үш ұлдың анасы менің алтындай бөлем ғой», «Ұят! Әжесі мен немересі», «18 жас айырмашалық па?», «Шахизада өзінше Еркеге еліктеп жүр»,
деп жазды желідегі жұрт.
Бұған дейін Шахизада үшінші күйеуімен Түркияда үш ай тұрып ажырасып кеткенін айтқан.
