630 миллиард теңгеге айға ұшып-қайтуға болады, бірақ облыс орталықтары, Өскемен мен Семей арасында жол сала алмайсың. Бұл туралы белгілі белсенді, «Әділет жолы» Республикалық қоғамдық бірлестігінің жетекшісі Дидар Смағұлов жазды.
«Достар, бұл шалғайдағы ешкім тұрмайтын екі ауылдың арасындағы жол, сол себепті осындай күйде деп ойлайтын шығарсыздар?
Жоқ, бұл екі облыс орталығын: соңғы уақытқа дейін Шығыс Қазақстан облысының құрамында болған Өскемен мен Семейді байланыстырады.
Республикалық тас жолды мұндай күйге қалай жеткізуге болады?
Дені дұрыс асфальт қайда (апамның маған нанға жаққан майы бұдан да қалың), жол таңбасы қайда, ең болмағанда алдыда оңға күрт бұрылыс бар екенін білдіретін белгі қайда???
Өлсең, өле бер дегені ме?
Облыста бірде-бір автобан жоқ. Өскеменнен барлық бағыттағы жолдардың жайы осындай.
Соңғы бір айда еліміздің әр өңірінде (Астана, Алматы қалалары, Алматы, Қарағанды, Ақмола, Солтүстік Қазақстан, Павлодар, Абай, Шығыс Қазақстан облыстары) көлікпен 10 000 шақырымдай жол жүрдім, бірақ мұндай сұмдықты басқа еш жерден көрген емеспін.
Оның үстіне облыста ақша тұрақты түрде бөлініп отырған: шамамен есептесек 2014 жылдан бері жолдарға 630 миллиард теңгедей бөлінген.
Біз мемлекеттік сатып алу порталын зерттедік (ашық деректерді). Айтқанымдай, тоғыз жыл ішінде Шығыс Қазақстан облысының жолын салуға, жөндеуге және күтіп ұстауға шамамен 630 286 671 497 теңге бөлінді, бұл орасан зор ақша.
