2022 жылы 19 тамызда мерзімді қызметтегі сарбаз қайтыс болған күні Жамбыл облысының Шөлдала заставасында шекарашылар ғана емес, 42 адамнан тұратын инженерлік-саперлік рота да болған.
Тараз әскери-тергеу басқармасы қаза тапқан қатардағы жауынгердің киімі мен аузынан сарапшылар тапқан ұрықтың тиесілігін анықтау туралы шешім қабылдады. Бұл қайғылы оқиғаның егжей-тегжейлері 2023 жылдың қаңтар айының соңында адвокат Сержан Пралиевтің мәлімдемесінен кейін белгілі болды. Ол жүргізіліп жатқан тергеу біржақты және Қарулы күштер белгісіз құраммен істі сотқа жібермекші деп резонанстық баспасөз мәслихатын берген болатын.
Адвокаттың мәлімдемесінен кейін 2023 жылдың 30 қаңтарында марқұмның 88 әріптесіне қатысты сот молекулалық-генетикалық сараптама тағайындалды, ал 15 ақпанда тағы 42 әскери қызметшіге қатысты осындай зерттеулер жүргізілді. Сараптама нәтижесі наурыз айының соңына дейін белгілі болып қалуы керек, бірақ, сәуірге дейін де жалғасуы мүмкін.
Мен жақында білдім, 2022 жылдың 19 тамызында (трагедия күні — ред.) шекара бөлімшесінде тағы 42 инженерлік-саперлік рота — келісімшартпен қызмет ететіндер, офицерлер, сарбаздар болған екен. Олар шекараның жанында инженерлік желілерді жөндеген. Яғни барлығы 130 адам тексеріледі,
деді қылмыстық іс бойынша жалғыз күдіктінің адвокаты Сержан Пралиев.
Айта кетейік, қаза тапқан сарбаздың тікелей командирі — сержант-келісімшарт қызметші Айбек Нұртаевтың ДНҚ ізін екі сараптаманың ешқайсысы таппаған. Ал ол қазір қылмыстық кодекстің төрт бабы бойынша күдікті саналады.
Есесіне қайтыс болған сарбаздың үш әріптесінің ұрығы анықталды. Іш киімде, кальсондарда және жақын маңдағы мерзімді сарбаздың бірінің футболкасында, ал әскери шалбарда тағы екі келісімшарт бойынша қызмет етіндердің ДНҚ-сы бар. Олардың барлығы куәгер ретінде қатысып жатыр. Сонымен қатар сарапшылар «тағы екі немесе одан да көп адамның» биоматериалдарын тапты, яғни кем дегенде үш адам, олардың тиесілігі анықталмаған. Қазір жұмыс дәл осы бағытта жүріп жатыр,
деп атап өтті Сержан Пралиев.
