Шымкенттік полицей Қымбат Ахмет Азия чемпионы атанды. Бұл туралы Polisia.kz хабарлады.
25 қазан мен 2 қараша аралығында Тәжікстан мемлекетінің астанасы Душанбе қаласында аралас жекпе-жектен Азия чемпионаты өтіп жатыр. Жарыста Азияның 22 мемлекетінен келген 500-ге жуық спортшы өзара бақ сынасып жатыр. Оның ішінде, Тәжікстан, Өзбекстан, Әзірбайжан, Бахрейн сияқты елдердің спортшылары бар.
Қазақстанның атынан үздік 37 спортшы барған. Әртүрлі салмақта сайысқа түскен спортшылардың арасында Шымкент қаласы ПД Жылдам қимылдайтын арнайы жасақтың инспекторы Қымбат Ахмет бар. Ол 47 келі салмақта 3 споршымен бәсекелесті. Ақтық сында өзінің отандасымен қарсыласып, шын мықты екенін дәлелдеді. Нәтижесінде аралас жекпе-жек спортынан Азия чемпионы атағын жеңіп алды.
