Си Цзиньпин сияқты саяси алыптың келуі — Қазақстан үшін үлкен жетістік, дейді саясаттанушы Самат Нұртаза және Қытай көшбасшысы пандемия жылдарындағы үш жылдық үзілістен кейін ең алғаш баратын елі ретінде неліктен Қазақстанды таңдағанына өз ойын білдірді.
Саясаттанушының пікірінше, Қазақстан — Қытай экономикасының басты болмаса да, барлық сала бойынша ең маңызды серіктестерінің бірі. Оның ішінде азық-түлік, ауыл шаруашылығы, мал шаруашылығы, транзиттік құрылым тағы басқа салалар бар. Қытайдың Тынық мұхит өңіріндегі «күрделі» қарым-қатынасын ескере отырып, Қазақстан Қытай үшін бейтарап әлемге терезе іспетті. Яғни, Қытаймен дос болғысы келетін, сауда-экономикалық қарым-қатынас жасағысы келетін, бірақ шекаралас емес елдер бар. Міне, осы тұрғыда Қазақстан үлкен роль атқарады.
Бұған тағы Си Цзиньпиннің Қасым-Жомарт Тоқаевпен жеке тығыз қарым-қатынасы да әсер етпей қоймайды. Қытайдың барлық 14 көршісінің ішінде қытай тілін меңгерген және қытай мәдениетін, дәстүрлері мен құндылықтарын білетін адам Қазақстан басшылығында отыр. «Мұны қытайлар сөзсіз бағалайды», — деп сенеді Нұртаза.
Және де геосаясат та соңғы роль ойнамайды. Ресей-Украина шайқасы аясында Қытай басшысының Қазақстанға уақытылы сапары маңызды болып табылады. Си Цзиньпин мырзаның «Қытай Қазақстанның тәуелсіздігін, егемендігі мен аумақтық тұтастығын сақтайды» деген сөздері біз үшін айтылмады. Бұл Ресейге қарата айтылған сөздер. Мен бұған 200% сенімдімін.
Си Цзиньпин мырзаға рақмет айта отырып, осындай мықты, бай және сенімді көршіміз барына тағдырға ризашылығымызды білдірейік,
дейді Самат Нұртаза.
