Сыртқы істер министрлігінің өкілі Айбек Смадияров Шенген визасын алу кезінде қазақстандықтар үшін неге жаңа ережелер енгізілгенін айтты деп хабарлайды Stan.kz ақпарат агенттігі.
Айбек Смадияровтың айтуынша, визаға қатысты заңдардың шығуы қазақстандықтардың құқықбұзушылықтарымен байланысты.
Кейбір азаматтарымыз Шенген елдеріне барып, автокөлік жалдау кезінде айыппұлдарды төлемей, елден кетеді. Әрине, көзқарас нашарлайды. Басқа да құқық бұзушылықтар бар. Шетелге барған кезде сол елдің ережелері мен заңдарын сақтау қажет. Студенттер несие алады да, қайтармай, кетіп қалады,
деді ол.
Естеріңізге салсақ, қазақстандықтарға Шенген визасын алу айтарлықтай қиындай түскен. СІМ өкілдері Шенген визасын алуға жеңілдіктер қарастыратын келіссөздер жүргізуге әрекет етіп жатқаны белгілі болды.
