Қасым-Жомарт Тоқаев Сингапурдың Премьер-министрі кеңсесінің министрі Мұхамед Малики бин Османмен кездесті. Бұл туралы Ақорда хабарлады.
Президент Сингапурдың Азиядағы өзара іс-қимыл және сенім шаралары жөніндегі кеңестің VI саммитіне қатысатыны АӨСШК процесі дамуына елеулі үлес қосатынын айтып өтті. АСЕАН-дағы маңызды серіктесі – достас Сингапурмен тығыз ынтымақтастықты жоғары бағалайтынын жеткізді.
Кездесуде екіжақты сауда-экономикалық және инвестициялық байланыстардың артқаны айтылды.
Мұхамед Малики бин Осман Қасым-Жомарт Тоқаевқа Премьер-министр Ли Сянь Лунның ізгі тілегін жеткізді. Сингапур делегациясының басшысы өз елінің Қазақстанмен өзара іс-әрекетті одан әрі нығайтуға ниетті екенін айтты,
делінген хабарламада.
Кездесу соңында Сингапур министрі мемлекет басшысына Президент Халима Якобтың Сингапурға мемлекеттік сапарға шақыратынын тағы да растады.
