Осы аптада Украинада Нафтогаз дефолты және Украина аумағындағы Польша азаматтарына арналған ерекше құқық енгізу заңы көп талқыланды.
Бабель хабарлағандай, Жоғарғы Рада Украина аумағындағы Польша азаматтарына арналған ерекше құқық енгізу туралы заң қабылдады. Поляктар украиналықтар сияқты мүмкіндіктерге ие болады. Демек, Польша азаматтары Украина жерінде 18 ай бойы жүре алады. Поляктар арнайы рұқсат алмай-ақ жұмысқа орналаса алады, әлеуметтік жағынан қорғалады, білім, әлеуметтік төлем, медициналық көмек және тағы басқасын украиналықтармен бір деңгейде ала алады.
Жекешелендіруді қайта бастау
Жоғарғы Рада мемлекеттік кәсіпорындарды жекешелендіруді қайта бастауға мүмкіндік беретін №7451 заң жобасын екінші оқылымда қолдады. Ол 2022 жылғы 24 ақпанынан кейін тоқтатылған еді. Өйткені тізілімдер мен нотариустар жұмыс істемеді, ал Монополияға қарсы комитет рұқсат бермеді, деп еске салады Бабель. Заң жобасы соғыс қимылдары жалғасып жатқан аймақтардан кәсіпорындарды көшіруді жеңілдетеді.
Украинаның «Нафтогаз» ҰАК дефолтқа ұшырап, мерзімі 2022 және 2024 жылдардағы еурооблигациялары бойынша төлем жасамады. Компания мәлімдемесінде оның бондхолдерлермен есеп айырысуға ақшасы болғаны, бірақ Министрлер кабинеті бұған рұқсат бермегені айтылған.
ENTSO-E еуропалық энергетикалық жүйесінің операторлары Украинадан электр энергиясының экспортын тәулігіне 100-ден 250 МВт-қа дейін арттыруға мүмкіндік берді. Экспорттың өсімі 30 шілдеде басталады.
Big Mac index және қосымша эмиссия
Украина банктері халық пен корпоративтік депозиттердің қалыпты өсуін күтеді және көтерме қаржыландыру одан әрі төмендейді деп сенеді.
Liga.net сайтының хабарлауынша, банктер несиеге сұраныстың қалыпты қайта жандануын күтеді және одан әрі қауіптің барлық түрі артады деп болжайды. Екінші тоқсанда олар соғыстың несие беру көрсеткіштеріне кері әсері күшейгенін анықтады. Несие сапасының нашарлауы, кәсіпкерлік субъектілерінің несиеге сұранысының қалыпты болуы, тұрғындар тарапынан сұраныстың азаюы және өтінімдерді мақұлдау деңгейінің төмендеуі байқалады.
«Салық амнистиясы» 6 айға – 2023 жылдың 1 наурызына дейін созылады. Еске салайық, 2021 жылы «Салық амнистиясы туралы» Заң қабылданды — жеке тұлғалардың өз мүлкін бір реттік ерікті декларациялауы және бюджетке біржолғы алым төлеуі енгізілді.
Ұлттық банк шілдеде мемлекеттік облигацияларды сатып алу арқылы 15 млрд грн болатын қосымша эмиссияны жүзеге асырды. Осылайша, кейінгі аптада 30 млрд грн «басылып» шықты.
Украинаның жалпы ішкі өнімі 2022 жылы 33%-ке төмендейді, ал 2023 жылы 4%-ке өседі. Бұл туралы Fitch Ratings халықаралық рейтинг агенттігі болжамында айтылған, деп хабарлайды Finance.ua.
Украина британдық The Economist журналының Big Mac index соңғы рейтингінде жоқ. Басылым гривенді долларға шаққандағы бағамын бағалай алмады, өйткені McDonald’s желісі фастфуд мейрамханаларын уақытша жауып тастаған еді. Сондықтан Украинадан әзірше бургер сатып ала алмайсыз.
Владимир және Елена Зеленскилар
Халықаралық Уинстон Черчилль қоғамы президент Владимир Зеленскиді Уинстон Черчилльдің көшбасшылық сыйлығымен марапаттады. Мемлекет басшысы марапаттау рәсіміне видеоконференция арқылы қатысты, деп хабарлайды Liga.net.
Ал Украинаның бірінші ханымы Елена Зеленская Vogue журналының digital мұқабасының кейіпкеріне айналды. Vogue сайты: «Батылдық портреті: Украинаның бірінші ханымы Елена Зеленская», — деп жариялады.
Сауалнамалар
Украиналықтардың басым көпшілігі Ресейге қатысты кез келген аумақтық жеңілдіктерге қарсы.Тіпті бұл үшін соғыс созылуы мүмкін болса да мейлі. Бейбітшілікке тезірек қол жеткізу және Украинаның тәуелсіздігін сақтау үшін кейбір аумақтан бас тартуды респонденттердің 10%-і ғана қолдады.
Бұл ретте Бабель хабарлауынша, Украинада респонденттердің 73%-і елдегі жағдай дұрыс бағытта жүріп жатыр деп есептесе, 12%-і бұл пікірге қарсы, қалған 15%-і бағалай алмаған.
Үздік және сирек кездесетін монета
2021 жылдың ең үздік монетасына ашық дауыс беру қорытындысы бойынша номиналы 5 гривналық «Украина тәуелсіздігінің 30 жылдығына» естелік монетасы жеңіске жетті, деп хабарлайды Liga.net. Ол «Тақырыпты үздік ашу», «Үздік көркемдік шешім», «Ең танымал монета» сияқты номинациялар бойынша үздік атанды.
Украинада сонау 1992 жылы соғылған бір гривен номиналы бар күміс монета сатылымға шықты. Оның басты ерекшелігі сол, оның номиналы 50 тиыннан қайта соғылған. Тиісті лот Violity профилінің сайтына шықты.
Жұмыссыздар саны өсіп жатыр
Соғыс кесірінен жұмысын жоғалтқандар саны қайтадан арта бастады. Маусымда олардың көлемі 35% болса, шілдеде 39%-ке жетті.
Украинада Омикрон штамының жаңа сорты тіркелді. Біз ва.5 типі деп аталатын түрі жайлы айтып отырмыз. Жеті дерек Черновцы облысында тіркелді. Денсаулық сақтау министрлігі бұл түрдің басқа аймақтарда бұрыннан бар екенін жоққа шығармайды.
Украин азаматшасы– MTV Video Music Awards 2022 сыйлығының номинанты
Еуропалық хабар тарату одағы «Евровидение-2023» байқауын Украинада өткізбеу туралы соңғы шешімді қабылдады. Ән байқауы Ұлыбританияда өтеді, оның өкілі Eurovision 2022 байқауында екінші орын алған.
Украиналық режиссер Таня Муиньоның клиптері MTV Video Music Awards 2022 сыйлығының тоғыз номинациясына ие болды.
