Еуроодақ Ресей әскерилерінің Украинаға басып кіруіне байланысты Ресейге жаңа шектеулер енгізді.
Ресейге қарсы шектеу шараларының жаңа пакеті «энергетикалық ресурстардан кейінгі ресейлік экспорттың ең маңызды элементі саналатын алтынды тікелей және жанама импорттауға, сатып алуға немесе беруге» тыйым салуды қамтиды. Тыйым Ресейден шыққан және елден экспортталатын алтынға қатысты.
Сонымен қатар, санкциялық тізімге 57 жеке және заңды тұлға енгізілді, олардың арасында Мәскеу мэрі Сергей Собянин, премьер-министрдің бірінші орынбасары Андрей Белоусов, «Ростех» басшысы Сергей Чемезов, сондай-ақ ресейлік актерлер Владимир Машков пен Сергей Безруков бар.
Жаңа шектеулер ең ірі ресейлік банкке де қатысты. Сбербанк болашақта қаражаты мен экономикалық ресурстары жабық, қаржы институттарының біріне айналуы мүмкін.
