Қазақстан қырғыздардың жүк көліктерін кеден бекеттерінен өткізбей, шекара бекеттерінде ұзын-сонар кезекке тұруға мәжбүр етіп отыр. Оның себебін су беруді тоқтатты деп түсіндіруде.
Көктемнен бері Киров және Орта-Токой су қоймаларынан үздіксіз су беріп тұрдық. Өзімізде су болмаса да екі ел арасындағы келісім, хаттама, міндеттемелерді толық орындадық. Көріп отырғаныңыздай, бұл Киров су қоймасының көктемде су толған кездегі алғашқы спутниктік суреті. Екінші фото бүгінгі күннің жағдайы.
Су жоқ. Су жоқ болса не бере аламыз? Су бар кезде су берілмейді деп ойламаңыздар.
Қазір 21 ғасыр. Барлығын спутник арқылы көруге болады. Бұл судың түбінде балықтар бар. Осы суды төгіп тастасақ, балықтар өледі. Өйткені, балықтың өмір сүруге құқығы бар.
Бір-бірімізге бөгет жасамай, ағайындық қарым-қатынаста жұмысымызды жалғастырайық. Шекараларыңызды жаппаңыз, керісінше көліктердің жиі өтуіне мүмкіндік беріңіз,
деп жазыпты Қырғыз Республикасының Ауыл шаруашылығы министрлігінің, суару ғылыми-зерттеу институтының директоры Улан Чортомбаев.
Ертең тағы да су қажет болады. Ынтымақ бар жерде бірлік бар.
