Түркі мемлекеттерінің саммитінде Тоқаев ұйымның туларын және эмблемаларын бір үлгіге келтіруді ұсынды. Ұйымға мүше елдерге тағы басқа бірнеше ұсынысын жеткізді.
Мемлекет басшысы Қасым-Жомарт Тоқаевтың Түркі мемлекеттері ұйымының 10-шы саммитінде келесідей ұсыныс білдірді:
▪️ «Түркі әлемі» атты жаңа брендті дәріптеу;
▪️ ұйымның туларын және эмблемаларын бір үлгіге келтіру;
▪️ түркі елдерінде түсірілетін телехикаялар мен анимациялық фильмдерді насихаттау;
▪️ түркі мемлекеттерінің сайлау саласындағы ынтымақтастығын нығайту;
▪️ тауарларды ортақ нарыққа шығару үшін стандарттарды жүйелеу;
▪️ биыл ұйым мүшелері арасындағы тауар айналымы 22 млрд доллардан асты, бұл көрсеткішті 1,5 есе ұлғайту;
▪️ Қазақстанда қауіпсіздік кеңесі хатшыларының отырысын және халықаралық энергетикалық форумды өткізу.
Сондай-ақ, саммит барысында қол қойылған құжаттар тізімі де шықты:
▪️ Астана Актісі;
▪️ Түркі мемлекеттері ұйымы 10-шы саммитінің декларациясы;
▪️ Өзбекстан Президенті Шавкат Мирзиёевті «Түркі әлемінің ең жоғарғы орденімен» марапаттау туралы мемлекеттер басшыларының шешімі;
▪️ Түркі әлемінің қаржы орталықтары мәртебесін беру туралы мемлекеттер басшыларының шешімі;
▪️ Түркі ынтымақтастығы ұйымдарының жаңа туларын қабылдау туралы шешім;
▪️ Тағайындаулар туралы мемлекеттер басшыларының шешімі;
▪️ Экономикалық ынтымақтастық ұйымына Түркі мемлекеттері ұйымының байқаушы мәртебесін беру туралы шешім;
▪️ 6 ақпан – Табиғи апаттар құрбандарын еске алу және Түркі мемлекеттері ұйымының ынтымақтастығы күні деп бекіту туралы шешім;
▪️ Түркі мемлекеттері ұйымы Хатшылығының бюджетін басқару ережесі туралы шешім;
▪️ «Түркі мемлекеттері ұйымы Тұрақты өкілдері жөніндегі ережені» әзірлеу туралы шешім;
▪️ Түркі мемлекеттері ұйымына мүше мемлекеттердің тиісті мекемелері арасындағы метрология саласындағы ынтымақтастық туралы хаттама;
▪️ Түркі мемлекеттері ұйымының 2023-2027 жылдарға арналған көлік байланысы бағдарламасын іске асыру жөніндегі бірлескен іс-шаралар жоспары (жол картасы).
Еске сала кетейік, Астанада Түркі мемлекеттері ұйымының X саммиті өтуде. Жиынға Түркі мемлекеттері ұйымына мүше елдер – Әзербайжан, Қырғызстан, Өзбекстан, Түркия, президенттері, сондай-ақ ТМҰ-ға бақылаушы мемлекеттер – Мажарстан мен Түрікменстан басшылары қатысып жатыр.
