Түркіменстанда Қарабоғаз шығанағы арқылы өтетін автомобиль көпірінің іргетасын қалау рәсімі өтті. Салтанатты шараға Түркіменстан президенті Сердар Бердімұхамедов қатысты.
Енді Қазақстан мен Түркіменстанды шығанақ арқылы өтетін көпір байланыстыратын болады, деп хабарлайды Хроника Турменистана.
Қарабоғаз шығанағы арқылы салынатын жаңа көпір Солтүстік-Оңтүстік көлік дәлізінің халықаралық деңгейдегі маңызын арттырады. Жобалық-сметалық құжаттамаға сәйкес, Түркіменбашыдан Қарабоғаз шығанағы арқылы Қазақстан шекарасына дейін өтетін екі жолақты автокөпірдің жалпы ұзындығы — 354 метр, ені 21 метр. Оған қоса шекара бойында түрлі мақсаттағы құрылыстар қатар салынады. Оның ішінде жүргізушілер мен жолаушыларға арналған демалыс орындары, қонақ үй, техникалық қызмет көрсету орталықтары, аялдамалар, көліктердің салмағы мен өлшемін бақылайтын автоматтандырылған жүйелер, жарықтандыру, жол белгілері бар.
Түркіменстан Президенті Сердар Бердімұхамедовтың айтуынша, көпір Түрікменстан, Ресей, Қазақстан, Иран және Үндістанның жүк тасымалдаушыларына тиімді қызмет көрсетуге арналады және Солтүстік және Шығыс Еуропа елдеріне қысқа жолмен жетуге мүмкіндік береді.
Сондай-ақ жаңа автокөпір Түркіменстанның жаһандық экономикалық кеңістікке белсенді интеграциялануына, шет елдермен ынтымақтастықты одан әрі нығайтуға қолайлы жағдай туғызатынын баса айтты.
Теңіз жағалауы мен Қарабоғаз шығанағындағы бай табиғи ресурстарды игеруге және аумақтың географиялық факторларын зерттей отырып, оларды тиімді пайдалануға мүмкіндік береді. Ал туристер Түркіменбашы қаласында және Аваза ұлттық туристік аймағында құрылған шипажайлар мен демалыс орталықтарының қызметтерін пайдаланады.
Жобаны украиналық «Альтком» компаниясы жүзеге асыруы тиіс.
Нысан 2024 жылдың маусым айында пайдалануға беріледі деп жоспарлануда.
14 маусымда Германияның Мюнхен қаласында футболдан XVII Еуропа чемпионаты басталады. «Қазақстан» телеарадиокорпорациясы Еуро-2024 матчтарын тікелей…
Орталық коммуникациялар қызметінде өткен брифингте әділет вице-министрі Ботагөз Жақселекова "Ынтымақ" саяси партиясы қашан мемлекеттік тіркеуден…
Қазақстан Республикасының заңнамасында көлік құралын мас күйінде басқарғаны үшін әкімшілік жауапкершілікпен қатар қылмыстық жауапкершілік қарастырылған.…
ҚР Еңбек және халықты әлеуметтік қорғау министрі Светлана Жақыпованың атынан әлеуметтік желілер мен мессенджерлердегі ашылған…
Осыдан 2 жыл бұрын әлеуметтік алауыздыққа бағытталған әрекет жасағаны үшін сотталған блогер Мұрат Әбділда сотқа…
Шымкентте әскерилер жас жігітті комиссариатқа күштеп апарып, пара беруге бопсалаған. Мерзімді әскерге шақырылушы ақша таппай,…