Кентау қаласының маңындағы ауылдардың бірінен пышақ жарақатын алған жас жігіттің денесы табылды.
Polisia.kz сайтының мәліметінше, ол кәмелетке толмаған, жергілікті тұрғын, 10-сынып оқушысы болып шықты. Оқиға орнына жедел-тергеу тобының қызметкерлері мен Түркістан облысы ПД басшылығы, сондай-ақ прокуратура өкілдері шықты.
Анықталғандай, түн ортасында екі ауылдың кәмелетке толмаған тұрғындары арасында тұрмыстық негізде жанжал туындаған.
Аталмыш ауыр қылмысты ашу мақсатында тәртіп сақшылары аулаларды аралап, куәлардан жауап алды. Нәтижесінде бұл қылмысты жасады деген күдікпен марқұмның құрдасы ұсталды.
Қазіргі уақытта ҚР ҚК-нің 99-бабының 2-бөлігі (Адам өлтіру) бойынша сотқа дейінгі тергеу амалдары жүргізілуде. Жанжалдың қалған қатысушыларын ұстау шаралары атқарылуда. Оқиғаның толық мән-жайы анықталуда.
