Түркия парламентіне әйелдердің мемлекеттік қызметте, мектептерде және университеттерде хиджаб киюге құқығы бар-жоғын шешу міндеттелді. Парламентарийлер шешім қабылдай алмаса, мәселе референдумға шығарылады, деп хабарлайды РБК.
Түркия президенті Режеп Тайып Ердоған Әділет және даму партиясына конституция түзетулерін, оның ішінде мектептерде, университеттерде және мемлекеттік мекемелерде хиджаб кию құқығын парламенттің талқылауына шығаруды тапсырды.
Конституцияға өзгеріс енгізу жөніндегі ұсынысымыз қабылданады деп сенеміз. Бұл орындалмаса, біз референдумды қоса алғанда, басқа да қадамдарға баруға дайынбыз. Парламентте қажет көпшілікті ала алмасақ, соңғы сөзді халқымыз айтады.
деді Ердоған.
Хиджаб кию құқығына қатысты түзетулер Конституцияның 10 және 24-баптарына өзгерістер енгізуді көздейді.
