Тәжікстанның солтүстігіндегі Соғды облысында 3,5 мың адам алтын өндіруге лицензия алған. Тәжікстан билігі 2019 жылы жеке тұлғаларға бағалы және қымбат металл мен тастарды өндіруге рұқсат берген еді.
Орталық Азияның жаңалықтар қызметі хабарлағандай, қымбат металл мен тастарды өндірген жеке тұлғалар оны міндетті түрде үкіметке және лицензиясы бар кәсіпорынға сатуы тиіс.
Ашт ауданының тұрғыны Отабек Усмонов биыл екінші жыл Зарафшан өзенінен алтын іздеумен айналысады. Ол бағалы металдарды ашық түрде, жерді қазып, оны өзенге жуу арқылы іздейді. Ол бұл жұмысын Ресейге барып ашқа тапқаннан әлдеқайда жақсы дейді.
Алтын іздеуден тәжірибем бар. Қажетті рұқсат құжатын алдым. Бұған дейін Ресейдің Сібірінде осындай жұмыс істеп, күніне 2 мың рубль табатынмын. Ал мұнда 4 грамм алтын тапсаң, 50 доллар көлемінде ақша аласың,
дейді ол.
Соғды облысы әкімшілігі мәліметінше, соңғы бір жарым жылда 3,5 мың адам лицензия алған. Лицензия құны 80 сомони тұрады.
Тәжікстанда Зарафшан, Пяндж, Кофарнихан өзендері мен Таулы Бадахшанда алтын көп.
