Ұлттық қауіпсіздік комитетінің шекара қызметі Тәжікстанның алты азаматын жалған құжатпен ұстады. Бұл туралы ұлттық қауіпсіздік комитетінің баспасөз қызметі хабарлады.
Шетел азаматтары Алматының халықаралық әуежайында және Павлодар облысы «Шарбақты» өткізу пунктінде тоқтатылған.
Төлқұжаттық бақылауды іске асыру барысында Тәжікстан азаматтарынан Қазақстан аумағында уақытша болуға рұқсат беру туралы жалған анықтамалар және шекара қызметінің шекарадан өтті деген жалған мөртабан басылған төлқұжаттары анықталды.
Азаматтарға қатысты тексеру шаралары жүргізіліп жатыр.
