Жалпыға бірдей декларациялаудың бірінші кезеңінде мемлекеттік қызметкерлер алғаш болды. Олар өткен жыл бойынша есеп берді. Биыл 570 мыңнан астам мемлекеттік қызметші өз кірісі мен жеке мүлкі туралы есеп берген.
39 мың мемлекеттік қызметкер кіріс пен жеке мүлік туралы декларацияны тапсырмаған. Барлығына хабарлама жолданды. Нәтижесінде 10 мыңнан астам адам декларация тапсырып, қалған 29 мың декларация бойынша мән-жай анықталып жатыр.
Декларацияны уақытылы ұсынбаудың белгілі себебі болса, ашық айтуына болады. Тағы бір жайт, ол адам мемлекеттік қызметтен кетіп қалған болуы да мүмкін. Яғни біздің базада ол мемлекеттік қызметкер ретінде тіркелген, ал іс жүзінде жұмыстан шығып кеткен. Бұл жерде мемлекеттік қызметшіге айыппұл салынбайды, тек әкімшілік ескерту жасалады,
деді ол.
Бірақ мемлекеттік қызметші ескертуге құлақ аспаса 20 АЕК көлемінде айыппұл салынады.
Еске салсақ, биылдан бастап мемлекеттік қызметшілер мен оларға теңестірілгендер жеке табысы мен мүлкі бойынша бірнеше декларация тапсырады.
