Бүгін Электронды үкімет порталында білім беру гранттарына өтінімдерді қабылдау басталды. Бірақ қызметті алу барысында Ғылым және жоғары білім министрлігінің тарапында техникалық ақаулар байқалып жатыр.
«Азаматтарға арналған үкімет» неге білім грантына өтініш берер кезде техникалық ақаулар болып жатқанын түсіндірді.
Қазір ҚР Ғылым және жоғары білім министрлігінің қызметкерлері аталмыш қызметтің толық жұмыс істеуін қамтамасыз етуді және өтінім беру үшін қажет техникалық жұмысты жүргізіп жатыр. Сонымен қатар биыл қызметті барынша үздіксіз қамтамасыз ету мақсатында көпарналы түрде (ЖОО-ның қабылдау комиссиялары және онлайн қабылдау ЖОО-лары арқылы қосымша) көрсетілетінін атап өтеміз,
делінген Электронды үкімет порталының хабарламасында.
Портал әуелі талапкердің қандай мамандықты таңдай алатынын, ҰБТ нәтижелері және т.б. ақпаратты алады. Егер осы мәліметтерді алу дұрыс жұмыс істемесе, талапкер қызметті пайдалана алмайды.
