Қазақ эстрадасындағы танымал жұптардың бірі Қуаныш пен Қарлығаш өздерінің бұрынғы 300 шаршы метрлік үйлерін халал балабақшаға айналдырды. Бұл туралы олар «Жұлдызды шаңырақта» бағдарламасында айтты, деп жазады «Адырна».
Бұрынғы үйімізді бизнеске айналдырдық. Біреуге беріп кетпедім. Балабақша ашып, оған өзімнің әпкемді отырғызып қойдым. Аптасына бір рет өзім барып қадағалаймын. Барлығы да халал. Тамақтары да…
Ұл балалар мен қыз балалар бөлек ұйықтайды. Балаларға адал жұмыс істесем, Алла маған өзі де береді. Өзім де алты баланың анасы болған соң, балалармен қарым-қатынас сақталған, шүкір. Қазір өркендеп, тағы да біреуін салып жатырмыз,
дейді әнші Қарлығаш Мырзагелдиева.
Бағдарлама барысында Қарлығаш жұбайына армандап жүрген қымбат көлігін сыйлағанын да айтқан болатын.
Ал бұған дейін олар кіші ұлдарын қатерлі дерттен емдету үшін біраз уақыт Түркияда тұрып келген еді.
