Президент Қасым-Жомарт Тоқаев Қапшағайдың атын Қонаев деп өзгертуге қатысты пікірін білдірді. Бұл туралы мемлекет басшысының баспасөз қызметі хабарлады.
Мемлекет басшысының айтуынша, Қонаев облыс орталығы мәртебесінен кейін қарқынды дамиды.
Жетісу жерінде екі бөлек облыс пайда болды. Алматы облысының әкімшілік орталығы Қапшағай қаласына көшірілді. Қала азаматтарымыздың өтініші бойынша Дінмұхамед Қонаевтың құрметіне өзгертілді. Бұл шешім тарихи әділдіктің салтанат құруы және халық қалауының көрінісі болғаны сөзсіз. Енді облыс орталығы мәртебесін алған Қонаев қаласы қарқынды дамитын болады
— деді Мемлекет басшысы Алматы облысына жұмыс сапары барысында.
