Стамбұлдың Истикляль көшесіне жарылғыш зат қалдырған Ахлам Альбашир Түркияға арнайы тапсырмамен келгенін мойындады.
Ол Түркияға заңсыз жолмен Африн-Идлиб қалалары арқылы келген.
Сирия демократиялық партиясы, Бірлескен демократиялық партиясы және Күрдстан жұмысшылар партиясы тарапынан арнайы дайындықтан өттім. Теракті жасау үшін олардан арнайы тапсырма алдым,
деді күдікті.
Сондай-ақ, түркі басылымдары елде қарулы күштер тарапынан ұйымдастырылған арнайы операция кезінде Ахлам Альбаширден бөлек 46 күдікті азамат ұсталғанын хабарлады.
Айта кетейік, кеше Стамбұлдың орталық көшесінде болған жарылыстан 6 адам қаза тауып, 81 адам жарақаттанды.
Көп ұзамай Түркия ІІМ басшысы Сулейман Сойлу жарылғыш зат қалдырған әйел адамды ұсталғанын мәлімдеді. ҚР Сыртқы істер министрлігі Стамбұлдағы жарылыс кезінде зардап шеккендер арасында қазақстандықтар жоқ екенін мәлімдеді.
ҚР президенті Қасым-Жомарт Тоқаев Түркия президентіне көңіл айту жеделхатын жолдап, Стамбұл қаласындағы жантүршігерлік оқиға салдарынан жазықсыз адамдардың құрбан болғаны туралы хабарды терең күйзеліспен қабылдағанын жеткізді.
