Республика күні қарсаңында Қасым-Жомарт Тоқаев мемлекеттік наградалармен марапаттау туралы жарлыққа қол қойды. Бұл туралы Ақорданың ресми сайты хабарлады.
Марапатталғандар қатарында өндіріс саласының, бизнестің, білім берудің, денсаулық сақтаудың көрнекті өкілдері, әскери қызметкерлер, құқық қорғау органдарының қызметкерлері, спортшылар, еңбек ардагерлері, мәдениет және ғылым қайраткерлері бар.
Атап айтқанда, «Халық қаһарманы» атағы Қазақстанға сіңірген ерекше еңбегі үшін мемлекет және қоғам қайраткері Қайырбек Сүлейменовке берілді.
