Англияның атақты «Манчестер Юнайтед» клубында доп тепкен Андрей Канчельскис биыл жазда Қостанайдың «Тобыл» клубына директор болған. Енді бүгін ол қызметінен кетті деген ақпарат тарады.
Канчельскис өз еркімен отставкаға кетпеген. Оны сыртынан шығарып тастаса ол заңсыз, деп хабарлайды Астана телеарнасы Bassport.kz. сайтына сілтеме жасап.
Клуб футболшыға ешқандай алдын-ала ескерту жасамаған. Еңбек демалысында жүрген ол тіпті қағаздарды қолына алмаған, көрмеген.
Футбол клубтарына алаяқтар керек жоқ. Оларға бірінші кезекте лас тірліктерімен айналысу қажет. Бізде түсініспеушілік болды. Мен үндемей қала алмайтын адаммын. Болған жағдайды айтамын. Мұнда өте көп жағдайларға куә болдым. Мұндай адамдар «Тобыл» үшін және жалпы Қазақстан футболы үшін ұят,
дейді Андрей Канчельскис «Спорт Экспресс» басылымына берген сұхбатында.
Бұл ретте клубты сатып алған Әлімжан Қалдияровтің лас тірліктері көп деген шу шығып жатыр.
Мен зауытқа қалай металды балқыту керегін айтпаймын ғой. Ол шаруадан хабарым жоқ. Өзімнің сүйікті ісім футболмен айналысып жүрмін.
Клубқа дилетанттар келіп, қайсысы дұрыс, қайсысы бұрыс екенін айтып, мазаны алғанда кикілжің болатыны сөзсіз. Ондай адамдармен қалай тіл табысасың?
Әлімжан Қалдияровқа алаяқтық туралы іс қозғалған. Ол клубқа келіп, алаяқтықпен айналысты. Бұлай болмайды. Мені осыған итермеледі. Бірақ ондайға бармаймын. Бұл қылмыстық іс. Әлімжанды сотқа беремін. Менің атымды былғауына жол бере алмаймын. Футболды таза ойнайды, сондықтан әділдік қажет,
дейді экс-директор.
Ресей ұлттық құрамасының сабында және Англияның «Манчестер Юнайтед» клубында өнер көрсеткен Андрей Канчельскис «Тобол» клубын осы жылдың жазында басқаруға келген.
