Төтенше жағдайлар министрлігі қазақстандық құтқарушылармен бірге жойқын жер сілкінісінен зардап шеккен Түркия еліне аттанған құтқарушы иттерді көрсетті.
Қазақстанның құтқарушылар сапында Джейкоб, Лига М Сириус және Аксель малинуа атты бельгиялық төбеттер, Чарли Кинг лабрадоры, Мирта неміс төбеті, Гринпис атты Бордер Колли бар.
Оларды әдетте «ТЖМ иттері», «құтқарушы иттер» деп атайды. Төтенше жағдайға қарсы иттің негізгі «қаруы» — олардың мұрны мен иіс сезімі. Жақсы иіс сезу қабілетінің арқасында ит өз иесін адам болуы мүмкін үйіндіге апарады немесе құтқарушылар тобына адасқандарды табуға көмектеседі.
Егер зардап шеккен адам табылса, ит құтқарушы-кинолог жақындағанға дейін үріп тірі адамды тапқандығы туралы сигнал береді.
Бүгінгі таңда ТЖМ қатарында 54 аттестатталған ит құтқару операцияларына белсенді түрде қатысады, тағы 20-дан астамы толыққандысертификатталған құтқарушы болуға дайындалуда.
ТЖМ кинологиялық есептоптарында әр түрлі тұқымды иттер қызмет етеді: лабрадор-ретриверлері, неміс төбеттері, малинуа бельгиялық төбеттері, голден ретриверлер, бордер-колли, спаниельдер, басерондар, тікірейген жүнді ретриверлер.
