Әнші Төреғали Төреәлінің мүддесін қорғаушы адвокаттар оның мұндай әрекетке баруының себебін түсіндірді. Олардың айтуынша, әнші әуежайға асығып, қатты жылдамдықпен бара жатқан тұсында полицейлер тоқтатқан.
Жалпы полиция тарапы оны тоқтатуға жылдамдықты асырғаны себеп болды деп отыр. Төреғали ұшаққа үлгермей жатқанын, әрі қаншама адамның күтіп қалғанын айтып түсіндірген. Алайда олар сөзге келмей, көліктен түсуін талап етіп, күш көрсеткен. Тіпті басы жерге қатты тиіп, бірнеше дене жарақатын алған. Оның жағдайы өте нашар болды. Полиция ғимаратында ешқандай көмек көрсетілмеген,
деді адвокаттар.
Айта кетейік, кеше Алматыда танымал әншіні полицейлер жол бойында ұстап алған болатын. Ақпаратқа сүйенсек ол есірткі тұтынып, мас күйінде көлік басқарған.
