Мәскеу немесе Санкт-Петербург сияқты бай қалаларға қарағанда Ресейдің өзге аймақтарында өлім-жітім деңгейі айтарлықтай жоғары, деп хабарлайды «Главред» басылымы британдық барлау қызметіне сілтеме жасап.
Британия Қорғаныс министрлігі барлау нәтижелері туралы шолуында Ресейдің соғыста өте ауыр шығындарға ұшырауын жалғастырып жатқанын, бірақ оның салдары елдің әртүрлі аймақтарында күрт өзгеретінін айтады.
Ең бай қалалар — Мәскеу мен Санкт-Петербург — халқының саны салыстырмалы түрде зардап шеккен жоқ. Бұл әсіресе елдің элиталы отбасыларына қатысты,
делінген шолуда.
Ресейдің шығыс аймақтарында мүлде басқа көріністі байқауға болады, деп атап өтті Ұлыбритания Қорғаныс министрлігі. Онда Украинадағы қаза тапқандар саны халықтың пайыздық үлесімен есептегенде, Мәскеудегіден 30 есе көп болуы мүмкін.
Ең көп зардап шегетін саны аз ұлттар, Астраханьда құрбан болғандардың 75%-ға жуығы қазақ және татар халықтары,
дейді британдық мекеме.
