АҚШ-тағы Лейк-Плэсидте өтіп жатқан Универсиадада Қазақстан хоккейшілері Оңтүстік Корея құрамасын 5:1 есебімен жеңді. Бұл туралы Sport.kz хабарлады.
Қазақстан құрамасының голдарын Алдияр Нұрлан (6-минут), Максим Мусоров (26-минут), Кирилл Полохов (35 және 37-минут) және Максим Мұхаметов (39-минут) соқты. Оңтүстік Корея құрамасында Мин Джэ Чан (21-минут) гол соқты.
Сонымен қатар Қазақстан құрамасы Венгрия, Ұлыбритания, Словакия және АҚШ құрамаларымен топта өнер көрсетеді. Топтан бірінші және екінші орын алған командалар плей-офф кезеңіне өтеді.
13 қаңтарда қазақстандық хоккейшілер Венгрия құрамасымен ойнайды.
