Бірінші қыркүйектен бастап Қазақстанға Ресей мен Белоруссиядан қант жеткізу қайта басталады.
Ресей наурыз айының басында қант экспортына шектеу қойған еді. 1 қыркүйекте қант экспортына шектеу толығымен алынады. Ресей мен Белоруссиядан қант жеткізілімі қайта басталады деп күтіліп отыр, деп хабарлайды turkystan.kz.
Мамандардың айтуынша, көтерме бағамен келетін қанттың бағасы біршама төмендеген. Тауар 570-590 теңгеден сатылып жатыр. Ал өнімді Ресейден жеткізгенде бөлшек сауда құны шамамен 400 теңгені құрайды деп болжанды. Бұл жаңалықты әсіресе саяжайы бар тұрғындар естіп қуануда. Өйткені күзде егін жинап, қыстың қамын ойлайтын азаматтардың қалталары қатты қағылмайтыны анық.
Қазір жаңа жүктің құны талқылануда. Шенеуніктер бағаның төмендейтінін алға тартып отыр.
Ертіс өңірінде «қант мәселесі» қыстан бері өзектілігін жоғалтқан жоқ. Павлодар облысының тұрақтандыру қорында «Павлодар» ӘКК» деректері бойынша мың тоннадан астам қант бар. Қанттың бір келісі – 478 теңге. Ал дүкендегі шекті бағасы 526 теңгеден аспауы тиіс. Бірақ, бір қызығы, үйдің жанындағы сауда нүктелерінде қанттың құны 750 теңгеге жеткен.
Ал Шығыс Қазақстанда қант бағасы арзандайды деп айту әлі ерте. Қазір аталған аймақтағы сауда орындарында өнімнің бір келісі 680-700 теңгеге жеткен. Бірақ бұдан былай өнім әлеуметтік бағамен үйдің жанындағы дүкендерге де жеткізілетін болды.
БҚО қант тоқталыспен жеткізіледі. Ресми деректер бойынша, оның бағасы жарты жыл ішінде 193,5% — ға — 292 теңгеден 565 теңгеге дейін өсті. Алайда, Оралдағы көптеген дүкендерде қант 600-ден 700 теңгеге дейін, ал ауылдық сауда орындарында оның бағасы 900 теңгеге дейін жетеді.
