Ғылым және жоғары білім министрлігі әзірлеген мемлекеттік стипендияларды тағайындау жөніндегі Үкімет қаулысының жобасына сәйкес, 2023 жылғы 1 қыркүйектен бастап бірқатар студенттердің стипендиясы артуы мүмкін:

• Педагогикалық бағыттарда және «Денсаулық сақтау» бағыты бойынша білім алатын студенттерді қоспағанда, студенттерге – 41 898 теңге;
• Педагогикалық бағыттарда білім алатын студенттерге – 67 200 теңге;
• «Денсаулық сақтау» бағыты бойынша білім алатын студенттерге – 67 200 теңге;
• Интерндерге  – 75 890 теңге;
• Магистранттарға – 97 024 теңге;
• «Назарбаев университеті» дербес білім беру ұйымында білім алатын магистранттарға – 181 250 теңге);
• Докторанттарға  – 217 500 теңге;
• «Денсаулық сақтау» бағыты бойынша докторанттарға – 217 500 теңге;
• «Денсаулық сақтау» бағыты бойынша резидент-дәрігерлерге және магистранттарға – 111 579 теңге;
• Техникалық және кәсіптік білімнің білім беру бағдарламаларын іске асыратын білім беру ұйымдарында жұмысшы біліктіліктері бойынша оқитын студенттерге – 32 681 теңге;
• Техникалық және кәсіптік, орта білімнен кейінгі білімнің білім беру бағдарламаларын іске асыратын білім беру ұйымдарында білім алатын студенттерге – 31 422 теңге.

Қаулы жобасы 12 маусымға дейін көпшілік талқылауына ұсынылады.