Мұның коронавируспен байланысы жоқ екенін бірден айтайық.
Өткен жылы ҚХР тұрғындары 2021 жылмен салыстырғанда 850 мыңға азайды. Қазір аспан асты елінде 1 411 750 000 адам тұрады. 9,56 миллион бала туылып, 10,41 миллион азамат қайтыс болды.
Қытайда халықтың азаюы 60 жылда алғаш рет болып тұр. Қазіргі демографиялық құлдырау — бұл 2015 жылға дейін жұмыс істеген «бір отбасы-бір бала» саясатының тікелей салдары.
Сонымен қатар өткен жылы репродуктивті жастағы әйелдер 4 миллионға азайды, ҚХР халқы біртіндеп қартайып жатыр.
БҰҰ сарапшыларының пікірінше, 2050 жылға қарай Қытай халқы саны 109 миллион адамға азаяды. Ал бұл мәселе елдің тек ішкі проблемаларынан басқа, дүниежүзіндегі экономикаға да зиянын тигізеді.
